President d'o Congreso d'os Deputaus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O president d'o Congreso d'os Deputaus ye a masima autoridat d'as Corz Chenerals, l'organo bicameral que exerze o poder lechislativo en Espanya. Preside as sesions d'o Congreso d'os Deputaus, a cambra baxa d'as Corz y o suyo titular ye eslechiu d'entre os miembros d'ista. Dezaga d'o rei y o president d'o Gubierno, ye a tercera autoridat en o Reino d'Espanya seguntes a Constitución espanyola.

Si bien a representación d'as Corz Chenerals la comparte con o president d'o Senau, as funcions constitucionals que le son atorgadas por lo que fa a refrendos reals y a lo proceso d'esleción d'o chefe de l'Executivo, fan que de facto siga o lider d'o poder lechislativo. Ista fegura se veye igualment reforzada en poseyer Espanya un bicameralismo asimetrico que atorga mayor protagonismo a la cambra baxa^[1]​.

Dende o 17 d'agosto de 2023, a presidenta d'o Congreso d'os Deputaus ye Francina Armengol Socías, deputada d'o Partido Socialista Obrero Español (PSOE) por a circumscripción de Balears.

1. ↑ (es) Senau d'Espanya. «El Senado en el sistema bicameral español | Senado de España». www.senado.es. Consultau o 17 de mayo de 2023.